Das esch weder mol en Party  vom feinschte gsi. Ich säge euch, am Afang esches schochli rägnerisch gsi, aber das het eusi Sharks ned abgalte devo Fotis zmache. Amel allne bes uf eine, wos  noni gmerkt het das er ja Wasser brucht, aber er werdeds selber gse. Nachher het s denne was zu Esse geh aber komischer wies gits devo kei Fotis. Aber so wie ich das ghört han sends e scho wiiit öber 1000 Fotis gsi. Ich han jezt eifach vo allem es Paari, denne entweder mer esch debi gsi, oder ebe au ned. 

Ja ich säges ja, no eine esch Wasserschüch aber trotzdem scho voll parat zum Seich mache, er gsänds ja selber. Räge Räge tröpfli esch tröpflet uf mis Chöpfli. Ich glaube eso esches au usem Gegner us Muri gange bim 12:3, do es paar Fotis devo. Me,  nur vom Speli gits denne au no, gell Chef.

So jetzt gots aber an Obig, an SHARK des Jahres, Meisterblache, Meisterscharks und no veles me. lueged eifach die Fotis a und träumed echli. 

Ja das sends gsie, Dynamite SHARKS und eri Blache. Jetzt het de Chef no zu jedem öpis gseit und en "verabschidet". Mägmol metem Lächle, es paar mol au zum Nochedenke, aber es esh halt wie emmer, es schnäderet eifach, gell Chef.

Also einersits esches das jetzt endgültig gsi met de Dynamite SHARKS. Es tuet also schochli weh, das muesi säge. Er send en so tolli, lässigi, erfolgrichi Truppe gsi, eigentlich schad das er nömme alli zäme chönd spele. Ich wönsche euch allne vell Erfolg und ich ben mer fascht secher das ich de einti oder anderi weder mol gsehne ame SHARK Speli. Aber jedes Endi esch ebe au en Afang. De Afang vode Fire SHARKS. Und was er scho druffe händ, das hämmer also chöne gseh bim Match vorher. Jetzt gits euch aber no met de neue Nummere und einzeln. Stopp, öpis hani ja no fast vergässe, die bede Trainer metem Abschieds Gschenk vode Dynamite. Ich glaube sie händs also scho troffe :) 

Also wössed er, ich ben au chli durenand, aber so vell Fotis wie e Tomoya gmacht het muesch also scho luege metem Öberblick. Also was denne no feht esch de Meistershark und ebe au beidi Kaptains. Und ganz am Schluss eifach no es paar Bilder vo dere Sause. Ich wörd säge, bis bald am nächste Match.